गीतकार मरहट्ठा ‘बेस्ट म्युजिक भिडियो अफ द इयर २०७८’ बाट सम्मानित

✍️ नयाँ पुस्ता २९ कार्तिक २०७८, सोमबार ११:२३

काठमाडौँ । गीतकार तथा समाजसेवी सुधा मरहट्ठा सहारा सगरमाथा अवार्डमा बेस्ट म्युजिक भिडियो अफ द इयर २०७८ बाट सम्मानित भएकी छन् ।

मरहट्ठा परदेशमा बसेर पनि नेपाली गीत सङ्गीत क्षेत्रमा लामो समयदेखि सक्रिय रहँदै आएकी छिन् ।

जुन गीतको लेखन र निर्माण सुधा आफैँले गरेकी हुन् भने सङ्गीत र स्वर केशव भावुकको रहेको छ । उक्त गीतमा अस्मिता अधिकारीले स्वर दिएकी छिन् । आर्यन सिक्देल र सृष्टि खड्काको अभिनय रहेको सो म्युजिक भिडियोलाई शसान कँडेलले निर्देशन गरेका हुन् ।

फुल फुल्यो भवरा भुल्यो, बोलको गीत अहिले साङ्गीतिक बजारमा निकै चर्चामा रहेको छ । गीतकार सुधा मरहट्ठा समाजसेवामा पनि निकै सक्रिय छन् ।

उनी विभिन्न संघसंस्थामा आबद्ध रहेर गरीब, दुःखी, असहाय बालबालिकालाई सहयोग गर्दै आएकी छन् l हाल उहाँ कामको सिलसिलामा बेलायत बस्दै आएकी छन् ।