अपाचे र पल्सर सिरिजको टक्करमा आउँदै छन् केटीएम आरसी सिरिज

काठमाडौँ । केटीएम आरसी ३९० केही समयका लागि कम्पनीको वेबसाइटमा राखिएको र तुरुन्तै हटाइएको छ । धेरैले केटीएमका नयाँ मोटरसाइकल बजारमा आउने तयारी भइरहेको अनुमान गरेको समयमा यस्तै प्रकारका तस्बिरहरु अनलाइनमा लिक भएका छन् । यसबाट केटीएमका नयाँ मोटरसाइकलमा भएको परिवर्तनको वारेमा थाहा भएको छ।

बाइकमा गरिएको नौरंगी र निलो रङको मिश्रण हेर्दा निकै नै राम्रो देखिएको छ । यसबाट यो बाइक सडकमा समेत फरक देखिने छ । त्यसैगरी यसको फेयरिङमा पनि कार्बन फाइबर फिनिसिङ गरिएको छ र स्क्रिनमा पनि केही फरक छ । फेयरिङलाई एलईडी लाइटले घेरिएको छ।

Advertisement

केटीएम आरसी ३९० मा एलईडी हेडलाइट छ र यसको धेरैजसो प्यानल हालकै मोडल जस्तै छ । यसको सिट फराकिलो र आरामदायक देखिन्छ । पछिल्लो भागमा बोल्ट अन सबफ्रेम उपलब्ध छ, जुन क्षतिग्रस्त भए पनि सजिलैसित परिवर्तन गर्न सकिन्छ । यसमा ट्रिपल क्ल्याम्प र क्लिप अन ह्यान्डलबार दिइएको छ।

यसको इन्जिन पनि पहिलेकै जस्तो हुने अनुमान गरिएको छ । केटीएम आरसी ३९० बाहेक आरसी १२५ र आरसी २०० बाइकको तस्बिर पनि अनलाइनमा लिक भएका छन्।

केटीएमका यी बाइक लन्च भए पश्चात हाल बजारमा प्रचलित टीभीएसको अपाचे र बजाजको पल्सर सिरिजलाई चुनौती दिने अनुमान गरिएको छ।