आज फेरि बढ्यो सुन-चाँदीको भाउ, तोलाको कति पुग्यो ?

✍️ नयाँपुस्ता डटकम २५ माघ २०७७, आईतवार ११:२२

काठमाडौँ । आज साताको पहिलो दिन अर्थात आइतबार सुनको भाउ पुनः उकालो लागेको छ । आज छापावाल सुन प्रतितोला ९० हजार ६ सय रुपैयाँमा कारोबार भइरहेको छ। शुक्रबार छापावाल सुन प्रतितोला ९० हजार रुपैयाँमा कारोबार भएको थियो।

त्यस्तै, तेजावी सुन प्रतितोला ९० हजार १५० रुपैयाँमा कारोबार भइरहेको छ । शुक्रबार तेजावी सुन प्रतितोला ८९ हजार ५५० रुपैयाँमा कारोबार भएको थियो ।

आज सुनको भाउसँगै चाँदीको भाउ पनि बढेको छ । आज चाँदी प्रतितोला १ हजार ३१० रुपैयाँमा कारोबार भएको छ । हिजो चाँदी प्रतितोला १ हजार २ सय ९० रुपैयाँमा कारोबार भएको थियो ।