आज ह्वात्तै घट्यो सुनको भाउ, हेर्नुहोस् कति पुग्यो ?

✍️ नयाँपुस्ता डटकम २६ पुष २०७७, आईतवार ११:४५

काठमाडौँ । आज साताको पहिलो दिन अर्थात आइतबार सुनको भाउ ह्वात्तै घटेको छ।

आज छापावाल सुन प्रतितोला २३ सय रुपैयाँले घटेर प्रतितोला ९३ हजार रुपैयाँमा कारोबार भइरहेको नेपाल सुन चाँदी व्यवसायी महासङ्घले जनाएको छ। हिजो छापावाल सुन प्रतितोला ९५ हजार ३ सय रुपैयाँमा कारोबार भएको थियो।

त्यस्तै आज तेजावी सुन प्रतितोला ९२ हजार ५ सय रुपैयाँमा कारोबार भइरहेको छ। हिजो तेजावी सुन प्रतितोला ९४ हजार ८ रुपैयाँमा कारोबार भएको थियो।

यस्तै, आज चाँदीको भाउ पनि घटेको छ। आज चाँदी प्रतितोला १२ सय ७० रुपैयाँमा कारोबार भइरहेको छ। त्यस्तै हिजो चाँदी १३ सय ३० रुपैयाँमा कारोबार भएको थियो।