प्रदेश १ का आर्थिकमन्त्री आङ्बो बर्खास्त

✍️ नयाँपुस्ता डटकम १२ पुष २०७७, आईतवार ०६:५४

काठमाडौँ । प्रदेश १ का मुख्यमन्त्री शेरधन राईले आर्थिक तथा योजनामन्त्री इन्द्रबहादुर आङ्बोलाई बर्खास्त गरेका छन्।

मुख्यमन्त्री राईका कट्टर आलोचक भनेर चिनिएका इन्द्रबहादुर आङ्बोलाई राईले हटाएका हुन् ।

आफूलाई हटाउनका लागि हस्ताक्षर जुटाएको थाहा पाएपछि आङ्बोलाई बर्खास्त गरेको मुख्यमन्त्री राईले हामीलाई जानकारी दिए ।

केन्द्रमा प्रधानमन्त्री केपी शर्मा ओलीले संसद विघटन गरेपछि त्यसको असर प्रदेशसभामा देखिन थालेको छ ।

वाग्मती प्रदेशमा नेकपाको प्रचण्ड–नेपाल पक्षले मुख्यमन्त्री डोरमणि पौडेलविरुद्ध अविश्वासको प्रस्ताव पेस गरिसकेको छ।

प्रदेश १ मा पनि मुख्यमन्त्री राईलाई हटाएर भीम आचार्यलाई मुख्यमन्त्री बनाउने प्रचण्ड नेपाल पक्षको तयारी रहेको छ।