आज यी दुई प्रदेशमा हल्का वर्षाको सम्भावना

✍️ नयाँपुस्ता डटकम ५ कार्तिक २०७७, बुधबार ०२:०१

काठमाडौँ । आज (बुधबार) नेपालका दुइ प्रदेशमा हल्का वर्षाको सम्भावना रहेको जल तथा मौसम पूर्वानुमान महाशाखाले जनाएको छ ।

महाशाखाका अनुसार, हाल नेपालमा उल्लेखनीय मौसमी प्रणाली भने छैन ।

देशका पहाडी भूभागमा आंशिक वदली रही बाँकी भू–भागहरूमा मौसम सामान्यतया सफा रहेको छ ।

बुधवार दिउँसो प्रदेश नं १, बागमती, गण्डकी र कर्णाली प्रदेशमा आंशिकदेखि सामान्य बदली रही अन्य भू–भागमा मौसम सामान्यतया सफा रहनेछ।

प्रदेश १ र वागमती प्रदेशका एक दुई स्थानहरुमा हल्का वर्षाको सम्भावना रहेको महाशाखाले जनाएको छ।

बुधवार काठमाडौंको अधिकतम तापक्रम २८ डिग्री सेल्सियस र न्यूनतम तापक्रम १७ डिग्री सेल्सियस रहने अनुमान गरिएको छ।