कोरोना संक्रमित नेकपाकी नेतृ शान्ता चौधरी आईसीयुमा

काठमाडौँ । कोरोना भाइरसबाट संक्रमित नेकपा संसदीय दलकी सचेतक शान्ता चौधरीलाई आईसीयुमा सारिएको छ।

चौंथो दिनमा पनि केही सुधार नआएपछि चौधरीलाई गएरातिदेखि आइसीयूमा सिफ्ट गरिएको उनको सचिवालयले जनाएको छ।

Advertisement

चौधरीको उपचार बीर अस्पतालमा भइरहेको छ। उनले यसअघि आफूलाई श्वास फेर्न गाह्रो भएकाले फोन नगरिदिन सामाजिक सन्जालमार्फत् आग्रह गरेकी थिइन्।

चौधरीमा यही असोज १९ गते कोरोना संक्रमण पुष्टि भएको थियो।