आज काठमाडौँ उपत्यकामा मात्रै थप १ हजार १७ जनामा कोरोना पुष्टि

काठमाडौँ । पछिल्लो २४ घण्टामा काठमाडौँ उपत्यकामा मात्रै थप १ हजार १७ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयले आयोजना गरेको नियमित कोरोना मिडिया ब्रिफिङमा प्रवक्ता डा जागेश्वर गौतमले काठमाडौँ जिल्लामा ७८३, ललितपुरमा ११८ र भक्तपुरमा ११६ जना गरी उपत्यकामा थप १ हजार १७ जना संक्रमित भेटिएको जानकारी दिए।

Advertisement

त्यस्तै पछिल्लो २४ घण्टामा देशभर १५ सय ५१ जनामा कोरोना संक्रमण पुष्टि भएको छ। यो सँगै नेपालमा कोरोना संक्रमितको संख्या ९० हजार ८१४ पुगेको छ।

त्यस्तै पछिल्लो २४ घण्टामा २३ सय ४० जना कोरोना भाइरस संक्रमणमुक्त भएका छन्। नेपालमा कोरोना भाइरस संक्रमणमुक्त हुनेको संख्या ६७ हजार ५४२ रहेको छ।

देशभर कोरोना भाइरसका सक्रिय संक्रमितको संख्या २२ हजार ७०९ पुगेको छ।