महालक्ष्मी विकास बैंकका ऋणीहरुलाई व्याज रकममा १०% छुट

✍️ नयाँपुस्ता डटकम ६ आश्विन २०७७, मंगलवार १४:१९

काठमाडौँ । महालक्ष्मी विकास बैंकले आफ्ना ऋणीहरुलाई व्याज रकममा १० प्रतिशत छुट दिने घोषणा गरेको छ।

हाल विश्वमा महामारीको रुपमा फैलिएको कोरोनाभाइरसका कारणले उत्पन्न असहज परिस्थितिमा यस बैंकबाट कर्जा सुविधा लएका ग्राहकहरुलाई राहत पुर्याउने उद्देश्यले ऋणीहरुले असोज मसान्तभित्र तिनुपर्ने व्याज भुक्तानी गरेमा भुक्तानी भएको व्याज रकममा १० प्रतिशत छुट प्रदान गर्ने निर्णय गरेको छ।

ग्राहकहरुले यस विषम परिस्थितिमा पनि कर्जाको किस्ता/ब्याज भुक्तानी गरेर देखाएको इमान्दारीताको कदर गर्दै बैंकले केही कर्जाहरुमा व्याजदर समेत घटाएको छ।