फेवातालमा फेरि चल्न थाले डुङ्गा

✍️ नयाँपुस्ता डटकम ४ आश्विन २०७७, आईतवार १५:१६

पोखरा । पर्यटकीय नगरी पोखराको फेवातालमा लामो समयपछि डुङ्गा व्यवसहाय सञ्चालनमा आएको छ।

लकडाउनका कारण लामो समयदेखि बन्द डुङ्गा असोज २ गतेदेखि सञ्चालनमा आएको हो।

कोभिड–१९ सङ्क्रमणको जोखिमलाई मध्यनजर गर्दै जारी भएको लकडाउनका कारण डुङ्गा ६ महिनादेखि बन्द रहेको थियो।

सरकारले असोज १ गतेदेखि नै डुङ्गा सञ्चालनको अनुमति दिइए पनि मर्मत सम्भारको काम बाँकी रहेकाले असोज २ गतेबाट सञ्चालनमा आएको फेवा डुङ्गा व्यवसायी समितिले जनाएको छ।

समितिका अनुसार सरकारले दिएको निश्चित मापदण्डअनुसार डुङ्गा सञ्चालन सुरु गरिएको हो।