तनहुँको मादी पुल नजिकै पहिरो, पृथ्वी राजमार्ग अवरुद्ध

✍️ नयाँपुस्ता डटकम २९ असार २०७७, सोमबार ०७:२५

तनहुँ । तनहुँको दमौली बजारबाट नजिकै रहेको मादी पुल आसपासमा पहिरो जाँदा पृथ्वी राजमार्ग अवरुद्ध भएको छ।

अविरल वर्षासँगै बिहान करिब ५ बजेतिर दुर्गा मन्दिर नजिकै आएको पहिरोले पृथ्वी राजमार्ग अवरुद्ध बनेको हो। अहिले अवरुद्ध पहिरो हटाई सडक खुलाउने कार्य जारी रहेको जिल्ला प्रहरी कार्यालय तनहुँले जनाएको छ ।

राजमार्ग अवरुद्ध भएतापनि लकडाउनका कारण गाडीको आवतजावत कम हुँदा राजमार्गमा गाडीको चाप भने देखिएको छैन् ।