स्याङ्जामा मनाइयो जातीय विभेद उन्मूलन दिवस

समाजमा हुने जातीय विभेद विरुद्ध स्याङ्जामा आवाज उठेको छ । गण्डकी प्रदेश सरकार अन्तर्गतको एकीकृत सेवा कार्यालयस्याङ्जाले अन्तराष्ट्रिय जातीय विभेद उन्मुलन दिवसको अवसरमा  भिरकोट नगरपालिका वडा न ९ स्थित सिर्कोटमा विविध कार्यक्रमसहित जातिय विभेद विरुद्ध आवाज मुखरित गरेको हो ।

कार्यक्रममा बोल्दै भिरकोट नगरपालिकाका उपप्रमुख भगवती रेग्मी अर्यालले समाजमा हुने कुनै पनि किसिमको विभेद विरुद्धआवाज उठाउनु पर्ने कुरामा जोड दिइन । यस्ता रचनात्मक कार्यक्रमले सिंगो सामाजमा सकरात्मक सन्देश प्रवाह हुने विश्वासव्यक्त गरिन । एकीकृत सेवा कार्यालयका प्रमुख जीवन पौडेलले सामाजिक न्याय र समानतामूलक समाज निर्माणमा सबैकोहातेमालो आवश्यक रहेको औँल्याउदै सरकारले पछी परेका समुदायको जीवनस्तर  माथी लैजान सीप विकास रउत्पादनमूलक कार्यक्रम मा जोड दिने बताए । उनले अझै पनि  देशका विभिन्न क्षेत्रमा जातीय भेदभावका घटना सुनिने गरेकोहुदाँ सचेतना सहितको शिक्षा र प्रभावकारी कानूनको कार्यान्वयनमा जोड दिए ।

Advertisement

कार्यक्रममा भिरकोट नगरपालिका वडा न ८ का वडा अध्यक्ष नन्दलाल खनाल, वडा न ९ का वडा अध्यक्ष भिमबहादूर गुरुङलेसमाजमा कुनै प्रकारको विभेद सिर्जना हुन नदिइने उद्घोष गरे ।

आमासमूह, नागरिक समाज, विद्यार्थी,  स्थानीय बासिन्दाको सहभागितामा सम्पन्न कार्यक्रममा साहित्य र सिर्जना मार्फत्समानताको आवाजको लागि विभिन्न गीत, कविता, नृत्य प्रस्तुत गर्ने सहभागिहरुलाई नगद पुरस्कार र प्रमाणपत्र प्रदानगरिएको थियो ।

अन्तरक्रिया र अभिमुखिकरण कार्यक्रम पुर्व जातीय विभेद विरुद्ध समानताको लागि विभिन्न नारा लेखीएको प्लेकार्ड बोकेरप्रभातफेरी समेत गरिएको थियो ।

एकीकृत सेवा कार्यालयका प्रमुख जीवन पौडेलको अध्यक्षतामा सम्पन्न कार्यक्रमको सञ्चालन विष्णुमाया काफ्लेले गरिन । संयक्त राष्ट्र संघले सन् १९६५ मा जातीय विभेद उन्मुलन सम्बन्धि महासन्धि पारित गरेको अवसरमा हरेक वर्ष मार्च २१ माअन्तराष्ट्रिय जातीय विभेद उन्मूलन दिवस मनाइन्छ ।