अर्घाखाँचीकी शुभेच्छा खनालको दमदार भाषण, सहभागीहरू चकित

काठमाडौं। कमलादीस्थित प्रज्ञा प्रतिष्ठानमा पब्लिक स्पिच नेपालले आयोजना गरेको वक्तृत्वकला प्रतियोगितामा अर्घाखाँचीकी शुभेच्छा खनालले दमदार प्रस्तुती दिएकी छन् l

६५ जना सहभागीमध्ये अर्घाखाँची जिल्ला, छत्रदेव गाउँपालिकाकी २१ वर्षीया शुभेच्छा खनालले अब्बल प्रस्तुती दिएर सबैलाई चकित बनाएकी हुन l

Advertisement

हाल पूर्वाञ्चल विश्वविद्यालयमा छात्रवृत्तिमा स्नातक तह अध्ययनरत खनाल सानैदेखि मेहेनती छात्रा हुन्। विद्यालय जीवनभर निरन्तर छात्रवृत्तिमा पढ्दै आएकी उनले प्रायः प्रत्येक कक्षामा पहिलो स्थान हासिल गर्दै आएकी छन् l

“हामीले उनलाई पढ्न भन्नै पर्दैनथ्यो, आफैं पढ्थिन्। सुरुदेखि अहिलेसम्म छात्रवृत्तिमै अघि बढेकी छिन्,” खनालकी आमा सारदा पराजुलीले भनिन्। आयोजकका अनुसार प्रतियोगिताको नतिजा केही दिनमा सार्वजनिक हुनेछ।