अझै बढ्यो सुन, प्रतितोला कति ?

✍️ नयाँपुस्ता डटकम ९ जेष्ठ २०८२, बिहीबार १८:५३

काठमाडाैं | अन्तर्राष्ट्रिय बजारमा सुनको मूल्य बढेसँगै त्यसको प्रभाव नेपाली बजारमा पनि परेको छ । सुनको मूल्य आज तोलामा एक हजार ७०० रुपैयाँले वृद्धि भएको हो । चाँदी पनि तोलामा ३५ ले बढेको छ ।

नेपाल सुनचाँदी व्यवसायी महासङ्घका अनुसार आज एक तोला सुनको मूल्य एक लाख ९१ हजार ५०० कायम भएको छ भने त्यति नै परिमाणको चाँदी दुई हजार २५ मा कारोबार भइरहेको छ ।

अन्तर्राष्ट्रिय बजारमा आज प्रतिऔँस सुन तीन हजार ३५५ डलरमा कारोबार भइरहेको अन्तरराष्ट्रिय सञ्चारमाध्यमहरुले जनाएका छन् ।