ह्वार ह्वार्ती बढ्दै सुनको भाउ, कति बढ्यो आज ?

✍️ नयाँपुस्ता डटकम ११ आश्विन २०८१, शुक्रबार १८:३९

काठमाडौं। सुनको मूल्यमा लगातार वृद्धि भएको छ। आज सुनको मूल्य तोलामा ५ सय रुपैयाँले बढेर तोलाको एक लाख ६१ हजार २ सयमा कारोबार भएको नेपाल सुनचाँदी व्यवसायी महासंघले जनाएको छ।

सुनको यो मूल्य अहिलेसम्मकै उच्च हो। यस अघि बिहीबार सुनको मूल्य एक लाख ६० हजार ७ सय रुपैयाँ पुगेको थियो।

त्यस्तै आज चाँदीको मूल्य भने स्थिर रहेको छ। आज चाँदीको मुल्य १९५५ रुपैयाँमा कारोबार भएको महासंघले जनाएको छ।