ह्वात्तै घट्यो सुनचाँदीको भाउ, कतिमा हुँदैछ किनबेच ?

✍️ नयाँपुस्ता डटकम ४ श्रावण २०८१, शुक्रबार १२:५५

काठमाडौँ । नेपाली बजारमा शुक्रवार सुन–चाँदीको मूल्य घटेको छ। आज सुन तोलाको २ हजारले घटेर एक लाख ४७ हजार ५ सयमा कारोबार भएको नेपाल सुनचाँदी व्यवसायी महासंघले जनाएको छ ।

यसअघि बिहीबार सुनको मूल्य तोलाको १ लाख ४९ हजार ५ सय रहेको थियो । त्यस्तै, आज तेजाबी सुन प्रतितोला १ लाख ४६ हजार ८ सयमा खरिदबिक्री भइरहेको नेपाल सुनचाँदी व्यवसायी महासंघले जनाएको छ ।

यस्तै आज चाँदीको मूल्य पनि घटेको छ । चाँदी आज प्रतितोला ३० रुपियाँ घटेर तोलाको १८३० मा कारोबार भइरहेको छ । बिहीबार चाँदी प्रतितोला १८ सय ६० रूपैयाँमा कारोबार भएको थियो