पहिरोको कहर : पोखराका तीन विद्यालय शोकमा

कविराज खनाल/पोखरा । पोखरा महानगरपालिका वडा नंं ३२, स्थित चैनपुर बाह्विसेमा गएराति अविरल बर्षाका कारण पहिरोमा पुरी ३ जनाको मृत्यु भए सँगै साविक लेखनाथका ३ वटा विद्यालय शुक्रवार शोकमा डुवेका छन् । गए मध्य राति करिव १२ः३० बजे समयमा घर भन्दा पाँचसय मिटर माथिबाट आएको पहिरोले शिव ओझाको घर पुरीएर २ छोरी र १ भदाको मृत्यु भएको कास्की प्रहरीले जनाएको छ।

स्थानीय शिव ओझाको टिनले छाएको एक तले घरमा आएको पहिरोले पुरिदा उहाँकी छोरीहरु अनिता ओझा वर्ष १६ कि र बहिनी अनुश्का ओझा वर्ष १३ कि र सालाको छोरा वर्ष ९ का प्रतिक सुवेदीको मृत्यु भएको प्रहरीले जनाएको हो । भने उनकी श्रीमती आरती ओझालाई स्थानीयवासी र जनपथ र सशस्त्रबलको टोलीले रातीनै उद्धार गरी पोखरा स्वास्थ्य विज्ञान प्रतिष्ठानमा उपाचार भइरहेको छ । भने घरधनी शिवओझा रोजगारको शिलशिलामा भारतमा रहेका छन्।

Advertisement

पोखरा महानगरपालिका वडा नंं ३२, राजाको चौतारामा रहेको श्री ब्रह्मरुपा माध्यमिक विद्यालयमा कम्प्युटर इनिजनियरिङ् धारतर्फ कक्षा १० मा अध्ययनरत छात्रा अनिता ओझा र बहिनी अनुश्का ओझा वर्ष १३ की पोखरा, ३० श्री त्रिभुवन शान्ति मा.वि.मा कक्षा छ मा अध्ययनरत थिइन भने स्व. अनिता ओझाकी मामाको रुपा गाउँपालिका वडा नं. २ शिरकोतान घर भएका वर्ष ९ का प्रतिक सुवेदी पोखरा– ३१, श्री डायमण्ड मोडल सेकेन्डरी स्कुलमा कक्षा ३ मा अध्ययनरत थिए भने विद्यालय अन्तिम शुक्रवार विदा परेकाले फुपुदिदीको घरमा एक दिन भनेपनि विदा मनाउन आएका थिए ।

अविरल बर्षाका कारण गएराति पोखराका तीन ठाउँमा पहिरोले घर पुरिदा ११ जनाको मृत्यु भएको छ । पोखरा १९, पुरुन्चौर तल्लोकोट टारीका एकै घर परिवारका छोरी ज्वाइँ सहित ६ जना पहिरोमा परी मृत्यु भएको प्रहरीले जनाएको छ । उक्त घटनामा उद्धार गर्ने क्रममा लडेर स्थानीय एक महिलाकोसमेत मृत्यु भएको प्रहरीले जनाएको छ ।

त्यसै, गरी पोखराको शिशुवामा आज बिहान १ः बजे आएको पहिरोले घर पुरिदा माइती कुमारी गुरुङको मृत्यु भएको छ । पहिरोमा परी बेपत्ता उहाँको बिहान ७ः०० बजे मात्र शव भेटिएको हो । कास्कीको मादी गाउँपालिका ११ बस्ने हाल शिशुवा बस्नु भएको ८० बर्षकी गुरुङ छोरा सँग बस्नु भएको थियो । उहाँका ५५ वर्षका छोरा ओम बहादुर गुरुङको उद्धार गरिएको छ । पोखरामा भएका घटनाहरूमा स्थानीय, प्रहरी, सशस्त्र प्रहरी, नेपाली सेना सहितको टोली राति देखि खटिनु भएको छ ।