फेरि सर्‍यो कांग्रेस महासमिति बैठक, अब पुस १६-१९ सम्म

✍️ नयाँपुस्ता डटकम २१ कार्तिक २०८०, मंगलवार १७:०६

काठमाडौं । नेपाली कांग्रेसको महासमिति बैठक फेरि सरेको छ । मंगलबार पार्टी केन्द्रिय कार्यालय सानेपामा पत्रकार सम्मेलन गरी यसबारेमा जानकारी गराइएको हो । बैठक पुसको १६ गतेबाट १९ गतेसम्म सञ्चालन हुने कांग्रेस नेता मिनबहादुर विश्वकर्माले बताउनुभयो ।

उहाँले यसअघि मंसिरको १३ देखि १५ गनेसम्म बैठक बस्ने भनेपनि सफल नभएको र आइतबार बसेको केन्द्रिय कार्यसमितिको बैठकले मंसिरको २९ देखि पुसको २ गतेसम्म गर्ने भनेपनि चाडपर्वको कारण पुनः सार्नुपरेको बतउनुभयो ।

उहाँले अब राष्ट्रिय मेलमिलाप दिवसको दिनबाट बैठक बस्ने बताउनुभयो । नेता विश्वकर्माले महासमितिको बैठक ललितपुरको गोदावरीस्थित सनराइज हलमा हुने बताउनुभयो ।