अन्तरराष्ट्रिय बजारमा घट्यो सुन, तोलाको कति ?

✍️ नयाँपुस्ता डटकम ८ चैत्र २०७९, बुधबार १०:०३

मंगलबार अन्तरराष्ट्रिय बजारमा सुनको भाउ प्रति आउन्स १ हजार ९४० डलरभन्दा तल झरेको छ। मार्च १७ मा पछिल्लो १ वर्ष यताकै उच्च विन्दुमा पुगेको सुन सो दिन घटेको हो। मार्च १७ गते अन्तरराष्ट्रिय बजारमा सुन प्रति आउन्स १ हजार ९९० डलरमा कारोबार भएको थियो।

विश्व बैंकिङ्ग क्षेत्रमा व्याप्त डर कम हुँदै गएपछि सुनको मूल्यमा गिरावट भएको जनाइएको छ। जोखिमपूर्ण सम्पत्तीको पुनः बाँडफाँट गर्ने निर्णयले लगानीकर्ताहरुको डर कम भएको बताइएको छ।

बैंकहरूको आश्वस्ततालाई अमेरिकी ट्रेजरी सेक्रेटरी येलेनका भनाइहरूले समर्थन गरेको थियो। उनले बैंकिङ्ग क्षेत्रमा हुने थप उथलपुथलबाट निक्षेपकर्ताहरूलाई सुरक्षा प्रदान गर्ने आश्वासन दिएकी थिइन्। अर्कोतर्फ, प्रमुख अमेरिकी ऋणदाताहरूले समस्याग्रस्त फर्स्ट रिपब्लिक बैंकको लागि संयुक्त उद्धार योजनाको नेतृत्व गरिरहेका छन्।

सुरक्षाको लागि केही कार्य रोक्नु परेपनि, वित्तीय प्रणालीमा छाएको स्थिरताले, बुधबारको नीतिगत निर्णयमा कडा अभियानलाई निरन्तरता दिन फेडरल रिजर्भलाई सहजता प्रदान गरेको छ। उच्च ब्याज दरले बहुमूल्य धातुहरू जस्ता गैर–ब्याज–वाहक सम्पत्तिहरू होल्ड गर्ने अवसर लागत बढाउँछ।