गण्डकीका मुख्यमन्त्री अधिकारीले पाए विश्वासको मत, ३१ सांसदको साथ

काठमाडौं । गण्डकी प्रदेशका मुख्यमन्त्री खगराज अधिकारीले विश्वासको मत पाएका छन् । मुख्यमन्त्री अधिकारीको पक्षमा एमालेका २१, माओवादीका ८ र राप्रपाका २ गरी ३१ जना सांसदले पक्षमा मत हालेका हुन् ।

नेपाली कांग्रेसका २७ सांसदले भने विपक्षमा मतदान गरेका छन् । अधिकारी पुष २५ गते मुख्यमन्त्री नियुक्त भएका थिए ।

Advertisement

उनले प्रदेश प्रमुख पृथ्वीमान गुरुङसमक्ष पद तथा गोपनियताको सपथ लिएका थिए ।