आज घट्यो सुन चाँदीकै भाउ, तोलाको कति ?

✍️ नयाँपुस्ता डटकम १ मंसिर २०७९, बिहीबार ११:०७

काठमाडौँ । साताको पाँचौ दिन आज (बिहीबार) नेपाली बजारमा सुनको भाउ ओरालो लागेको छ । आज सुन प्रतितोला ४०० रुपैयाँले घटेर छापावाल सुन प्रतितोला ९८ हजार र तेजावी सुन प्रतितोला ९७ हजार ५०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

महासंघका अनुसार हिजो छापावाल सुन प्रतितोला ४०० र तेजावी सुन प्रतितोला ९७ हजार ९०० रुपैयाँमा कारोबार भएको थियो ।

यस्तै, आज चाँदीको भाउ पनि घटेको छ । आज चाँदी तोलाको १० रुपैयाँले घटेर प्रतितोला १ हजार २८५ रुपैयाँमा कारोबार भइरहेको छ । हिजो चाँदी १ हजार २९५ रुपैयाँमा कारोबार भएको थियो।

कार्तिक महिनाको अन्तिम साताबाट लगातार उकालो लागेको सुनको भाउ आज मंसिर महिनाको पहिलो दिन नैै ओरालो लागेको हो ।