नेपाली काँग्रेस व्यास नगर सभापतिमा हड्खले निर्वाचित

✍️ नयाँपुस्ता डटकम १० आश्विन २०७८, आईतवार ०७:१५

दमौली । नेपाली काँग्रेस व्यास नगर सभापतिमा सूर्यचन्द्र हड्खले निर्वाचित भएका छन्।

पार्टीको व्यास नगर अधिवेशन अन्तर्गत शनिबार भएको मतदानमा सभापतिमा विजयी हड्खलेले सभापति पदका प्रत्यासी डम्बरबहादुर अधिकारीलाई पराजित गरेका हुन्।

कुल ४ सय ४३ मतदाता मध्ये ४ सय ३२ ले मतदान गरेको निर्वाचनमा सभापतिमा विजयी हड्खलेले दुई सय ८२ मत पाए।

प्रत्यासी अधिकारीले एक सय ४१ मत पाएका छन् ।

अधिवेशनबाट उप सभापतिमा सुर्जकुमार मल्ल र शोभा अधिकारी विजयी भए । मल्लले २९४ र अधिकारीले ३३० मत पाए ।

सचिवमा सुरेश पूरी र खेमराज पोख्रेल निर्वाचित भए । सचिव पुरीले २८९ र पोख्रेलले २८१ मत पाए ।