आज (बिहीबार) झन् घट्यो सुनको भाउ, चाँदीको मूल्य बढ्यो

✍️ नयाँपुस्ता डटकम १७ भाद्र २०७८, बिहीबार १०:३९

काठमाडौँ । साताको पाँचौँं दिन अर्थात बिहीबार (आज) पनि नेपाली बजारमा सुनको झन् ओरालो लागेको छ ।

हिजो बुधबार २ सय रुपैयाँले घटेको सुनको भाउ आज पनि प्रतितोला २ सय रुपैयाँले घटेको नेपाल सुनचाँदी व्यवसायी महासंघले जनाएको छ।

महासंघका अनुसार, आज छापावाल सुन प्रतितोला ९० हजार ८ सय रुपैयाँमा कारोबार भइरहेको छ। छापावाल सुन बुधबार ९१ हजार रुपैयाँमा बुधबार ९१ हजार रुपैयाँमा कारोबार भएको थियो।

त्यस्तै, आज तेजावी सुनको भाउ पनि घटेको छ । आज तेजावी सुन प्रतितोला ९० हजार ३ सय रुपैयाँमा कारोबार भइरहेको छ। मंगलबार तेजावी सुन ९० हजार ५ सय रुपैयाँमा कारोबार भएको थियो ।

यस्तै, आज सुनको भाउ घटेपनि आज चाँदीको भाउ भने उकालो लागेको छ। आज चाँदी प्रतितोला १ हजार २०५ रुपैयाँमा कारोबार भइरहेको छ। चाँदी बुधबार १ हजार १९५ रुपैयाँमा कारोबार भएको थियो।

समग्रमा यो साता अमेरिकी डलरसहित प्राय देशका मुद्राको भाउ घटेसँगै सुनको मूल्यमा पनि गिरावट आएको हो ।

लामो समयदेखिको कोरोना भाइरस (कोभिड–१९) महामारी र लकडाउनसँगै ह्वात्तै बढेको सुन चाँदीको मूल्यमा पछिल्लो समय केही घट्बढ् हुने गरेको छ। सुनको भाउमा केही घटबढ भएपनि बजारमा भने किनबेच हुन छाडेको महासंघले जनाएको छ।