आज पनि घट्यो सुन-चाँदीको भाउ, तोलाको कति ?

✍️ नयाँपुस्ता डटकम ९ चैत्र २०७७, सोमबार ११:०२

काठमाडौँ । साताको दोस्रो दिन अर्थात सोमबार नेपाली बजारमा सुनको भाउ थोरै घटेको छ ।

सोमबार प्रतितोला ८७ हजार २ सय रुपैयाँमा कारोबार भएको छापावाल सुन आज दुई सय रुपैयाँले घटेर ८७ हजार रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।

महासंघका अनुसार आज तेजावी सुन ८६ हजार ५ सय ५० रुपैयाँमा कारोबार भइरहेको छ । शुक्रबार तेजावी सुन ८६ हजार ७५० रुपैयाँमा कारोबार भएको थियो ।

त्यस्तै, आज सुनको भाउसँगै चाँदीको भाउ पनि घटेको छ । आज चाँदी प्रतितोला १ हजार २६० रुपैयाँमा कारोबार भइरहेको छ । शुक्रबार चाँदी प्रतितोला १ हजार २८० रुपैयाँमा कारोबार भएको थियो । शुक्रबारको तुलनामा आज चाँदीको भाउ २० रुपैयाँले घटेको हो।