बुधबार १.६ प्रतिशतले घट्यो नेप्से, कारोबार रकम भने बढ्यो

काठमाडौँ । बुधबार पनि नेप्से परिसूचक घटेको छ । नेप्से बुधबार एक दशमलव ६ प्रतिशतले घटेको हो।

मंगलबारको तुलनामा ३९ दशमलव २३ अंकले घटेर नेप्से परिसूचक २ हजार ४ सय १६ विन्दुमा झरेको हो। नेप्से परिसूचक घटे पनि आज कारोबार रकम भने बढेको छ।

Advertisement

आज २ सय १२ कम्पनीको ६ अर्ब २५ करोड ४८ लाख ९ हजार बराबरको १ करोड १३ लाख ९२ हजार १३५ कित्ता शेयर कारोबार भएको छ।

आज सबैभन्दा बढी नेपाल दूरसञ्चार कम्पनीको २९ करोड ९७ लाख ६ हजार बराबरको शेयर कारोबार भएको छ।

साल्ट ट्रेडिङ कर्पोरेशन र चन्द्रागिरी हिल्स लिमिटेडको शेयर मूल्य १० प्रतिशत तथा हिमालयन पावर पार्टनरको शेयरमूल्य ८ दशमलव १६ प्रतिशत बढेको छ।

त्यस्तै, एशियन लाइफ इन्स्योरेन्स र बरुण हाइड्रोपावर कम्पनीको शेयरमूल्य ६ प्रतिशतभन्दा बढीले घटेको छ।