शिशुको मृत्युपछि कीर्तिपुर अस्पतालमा तोडफोड, १७ जना पक्राउ

✍️ नयाँपुस्ता डटकम १९ पुष २०७७, आईतवार ११:००

काठमाडौँ । कीर्तिपुर मोडल अस्पतालमा तोडफोड भएको छ। धादिङ घर भएकी सबिना सुवेदी थापाको नवजात शिशुको मृत्यु भएपछि आक्रोशित आफन्तले अस्पताल तोडफोड गरेका हुन्।

अस्पताल प्रशासनले भने शिशुको पहिल्यै श्वास नरहेको भनी परिवारलाई जानकारी गराइएको दाबी गरेको छ। तोडफोडमा संलग्न १७ जना पक्राउ परेका छन्।

उनीहरुलाई महानगरीय प्रहरी वृत्त, कालिमाटीको हिरासतमा राखिएको छ। हाल अस्पताल प्रशासन र परिवारबीच छलफल समेत चलिरहेको काठमाडौं प्रहरी परिसर, टेकुका डीएसपी प्रमेश विष्टले बताएका छन्।