काठमाडौँ उपत्यकामा मात्रै थप ९ सय २ जनामा कोरोना संक्रमण पुष्टि

✍️ नयाँपुस्ता डटकम १४ आश्विन २०७७, बुधबार १०:५६

काठमाडौँ । पछिल्लो २४ घण्टामा काठमाडौँ उपत्यकामा थप ९ सय २ जना कोरोना संक्रमित थपिएका छन्।

स्वास्थ्य तथा जनसंख्या मन्त्रालयको बुधबार नियमित मिडिया ब्रिफिङका क्रममा काठमाडौँमा ६ सय ९७, ललितपुरमा १ सय १२ र भक्तपुरमा ९३ जना संक्रमित थपिएको जानकारी दिइएको हो ।

त्यस्तै पछिल्लो २४ घण्टामा १२ हजार २ सय ५ पीसीआर परीक्षण भएका छन्।

अध्यावधिक विवरणअनुसार मंगलबार उपत्यकामा ९ सय ३४ जनामा कोरोना संक्रमित फेला परेका थिए।