आईपीएलमा हैदराबादलाई हराउँदै बैंगलोरको विजयी सुरुवात

काठमाडौँ । इण्डियन प्रिमियर लिग (आईपीएल) क्रिकेटमा रोयल च्यालेन्जर्स बैंगलोरले विजयी सुरुवात गरेको छ।

यूएईको दुबई अन्तर्राष्ट्रिय क्रिकेट रंगशालामा राति भएको खेलमा बैंगलोरले सनराइजर्स हैदराबादलाई १० रनले पराजित गरेको हो।

Advertisement

बैंगलोरले हैदराबादलाई १ सय ६४ रनको लक्ष्य दिएको थियो। तर हैदराबाद १९ ओभर ४ बलमा अलआउट हुँदै १ सय ५३ रनमा समेटियो।

यस अघि टस हारेर पहिले ब्याटिङ गरेको बैंगलोरले २० ओभरमा ५ विकेट गुमाएर १ सय ६३ रन बनाएको थियो। जितसँगै बैंगलोरले २ अंक जोडेको छ। पराजित भएको हैदराबादको शून्य अंक छ।