मेलम्ची पहिरोमा बेपत्ता भएका ८ मजदूरको शव फेला

✍️ नयाँपुस्ता डटकम १९ श्रावण २०७७, सोमबार १५:४७

काठमाडौँ । सिन्धुपाल्चोकको मेलम्चीमा बेपत्ता भएका ८ जनाको शव फेला परेको छ।
सिन्धुपाल्चोकको मेलम्ची नगरपालिका–११ मा सोमबार बिहान साढे ३ बजेतिर गैह्रीबजारको केही भाग भासिएर निर्माणाधिन कभर्ड हल पुरिँदा त्याहाँ कार्यरत आठ जना मजदूर पुरिएका थिए।

पहिरोमा पुरिएर मृत्यु हुनेहरुमा एक जना भारतीय नागरिक, दुई जना पर्सा र ५ जना सिमराका भएको जिल्ला प्रहरी कार्यालय सिन्धुपाल्चोकले जनाएको छ।

प्रहरीका अनुसार मृत्यु हुनेहरुमा, भारतीय नागरिक राजेन्द्र चौरसिया, वीरगन्जका प्रदीप चौरसिया र राजेश चौधरी, सिमराका विक्रम थिङ, मानबहादुर रुम्बा, घलान, शिवबालक धामी र सोनाम लामा रहेका छन्।

पहिरोमा परी घाइते भएका ३५ वर्षीय भारतीय नागरिक बारु साहलाई उद्धार गरी हेलिकप्टर मार्फत काठमाडौँ ल्याईएको छ।