यसरी बाढीले बगायो यात्रुसहितको माइक्रो बस

✍️ नयाँपुस्ता डटकम ८ भाद्र २०७५, शुक्रबार २१:०८

सल्यान । सल्यानको बनगाड खोलो तर्दै गरेको यात्रुसहितको माइक्रोबस बगाएको छ। छिन्चु–जाजरकोट सडकखण्डमा पर्ने बनगाड खोलो तर्दैै गर्दा बाढीले गाडी नै बगाएको हो।

बसमा सवार यात्रुले भने ज्यान जोगाउन सफल भएका छन्। बाढीले बस बगाउन थालेपछि यात्रुहरुले हाम फालेर ज्यान जोगाएका हुन्।

जाजरकोटबाट नेपालगञ्जका लागि छुटेको माइक्रो बस बिहीबार बाढीमा बगेको हो। यात्रुहरुले हाम फालेर ज्यान जोगाए पनि उनीहरुका झोला लगायतका सामान भने खोलाले बगाएको छ।