वाणिज्य बैंकको उपस्थिती नभएको २७ स्थानिय निकायमा पनि एन आइ सी एशिया

काठमाडौं । एन आई सी एशिया बैंकले हालसम्म कुनै पनि वाणिज्य बैंकको उपस्थिती नभएको २७ ओटा स्थानिय निकायहरुमा शाखा कार्यलय सञ्चालनमा ल्याइसकेको छ । राज्यको पुनर्संरचनासँगै सम्पुर्ण स्थानिय निकायहरुमा वाणिज्य बैंकको शाखा सञ्जालमार्फत उपस्थिति सुनिश्चित गर्ने नेपाल सरकारको नीति बमोजिम नेपाल राष्ट्र बैंकसँगे प्रतिबद्धता जनाएअनुसार ३४ वटा स्थानिय निकायहरुमध्ये २७ स्थानीय निकायहरुमा शाखा कार्यालयहरु संचालनमा ल्याउन बैंक सफल भएको हो ।

दुर्गम तथा ग्रामिण क्षेत्रहरुमा समेत आफ्नो पहुँच अभिबृद्धि गर्दै सम्पुर्ण तह तप्काका सर्वसाधारणको बैंकको रुपमा आफ्नो पहिचान बनाईरहेको यस बैंकले समस्त ग्राहकहरुलाई उच्चस्तरिय सेवा दिंदै आईरहेको छ । बैंकको हालसम्म २१० वटा शाखा कार्यालय, २०३ एटिएम, ६ वटा एक्स्टेन्सन काउण्टर, ६ वटा शाखारहित बैंकिङ्ग एवं ५५०० भन्दा बढि रेमिटेन्स पे आउट एजेन्ट सहित मुलुककै सबैभन्दा ठूलो शाखा सञ्जाल भएको बैंकको रुपमा स्थापित भैसकेको छ ।

Advertisement

शाखा सञ्जाल, पुँजी संरचना, वासलातको आकार, ग्राहक संख्याहरुको आधारमा यस बैंक निजी क्षेत्रको अग्रणी बैंकहरु मध्ये एक हो । ग्राहक महानुभावहरुको अपार स्नेह, विश्वास तथा भरोसाका कारण यस बैंकले करीब १३५ अर्ब निक्षेप सङ्कलन गरी करीब ११० अर्ब कर्जा प्रवाह गरिसकेको छ । हालसम्म यस बैंकमा जम्मा ग्राहकको संख्या करिब ११ लाख ५० हजार रहेको छ ।