उकालो लाग्यो सुनको मूल्य, कति छ आजको बजारभाउ ?

✍️ नयाँपुस्ता डटकम १२ बैशाख २०७५, बुधबार १२:३६

काठमाडौं । बजारमा सुनको मूल्य आज फेरि उकालो लागेको छ। आज सुन तोलामा दुई सय बढ्दै प्रतितोला ५९ हजार रुपैयाँ पुगेको छ।

हिजो मंगलबार मात्रै सुन प्रतितोला ५९ हजार रुपैयाँबाट दुई सय रुपैयाँ घटेर ५८ हजार आठ सय रुपैयाँमा कारोबार भएको थियो।

सुनको मूल्य बढेपनि आज चाँदीको मूल्य भने स्थिर छ। आज पनि चाँदी सात सय ६५ रुपैयाँमा नै कारोबार भइरहेको छ।

चाँदी हिजो पनि सोही मूल्यमा कारोबार भएको नेपाल सुनचाँदी व्यवसायी महासंघले जनाएको छ।