काँग्रेस केन्द्रिय समितिः पदाधिकारी मनोनयनको सम्भावना कम

✍️ नयाँपुस्ता डटकम ९ बैशाख २०७५, आईतवार ११:४५

काठमाडौं । काँग्रेसको स्थगित केन्द्रीय समितिको बैठक आज पुन बस्दैछ ।

बैठकमा सभापति शेर बहादुर देउवाले पदाधिकारी मनोनयनको प्रस्ताव लैजाने भनिएपनि आज त्यसको सम्भावना नभएको एक नेताले जानकारी दिए ।

समीक्षा बैठकको अन्तिम चरणमा सभापतिले पदाधिकारी मनोनयनको प्रस्ताव लैजाने बताईएको छ । यसैवीच उपसभापतिका आकांक्षी विजय गच्छदारलाई विधानले उपसभापति बन्नबाट रोक्ने भएको छ ।

महाधिवेशनबाट विजयी केन्द्रीय सदस्य मनोनित पदाधिकारी बन्न योग्य हुने हुँदा उनको सम्भावना नरहेको बताइएको छ । यसैबीच २२ यूवा केन्द्रीय सदस्यहरूले संयुक्त पेश गर्न लागेको प्रस्तावले अन्तिम रुप पाएको बताइएको छ ।

चैत ९ देखि निर्वाचन समीक्षाको लागि डाकिएको काँग्रेस बैठक नेता खुमबहादुर खड्काको निधनछि चैत १७ देखि रोकिएको थियो ।