ओलीको कार्यशैलीप्रति माओवादी केन्द्रको असन्तुष्टि, पार्टी एकतामा पर्ख र हेरको स्थिति

✍️ नयाँपुस्ता डटकम २९ चैत्र २०७४, बिहीबार १२:०७

काठमाडौँ । बैशाख ९ मा पार्टी एकता गर्ने लक्ष्य बोकेका एमाले र माओवादी केन्द्रबीचको असमझदारी अझै अन्त्य हुन सकेको छैन । एमाले अध्यक्ष समेत रहेका प्रधानमन्त्री केपी शर्मा ओलीको कार्यशैलीमा माओवादी केन्द्रले असन्तुष्टि जनाएपछि समझदारी बन्न नसकेको हो ।

पार्टी एकतालाई मूर्त रुप दिन हिजो एकता संयोजन समितिको बैठक बोलाइएपनि बस्न सकेन । दुबै दलका नेताहरुले भने अनौपचारिक छलफल जारी रहेको बताएका छन् । माओवादी केन्द्रले ओलीको कार्यशैलीमा शंका व्यक्त गरेको छ । माओवादी यतिवेला पर्ख र हेरको अवस्थामा रहेको नेताहरुले बताएका छन् ।

पार्टी एकीकरण प्रक्रियालाई हतारमा निष्कर्षमा पु¥याउनुभन्दा केही समय एमाले अध्यक्ष ओलीको कार्यशैली विचार गर्ने आन्तरिक रणनीति माओवादी केन्द्रले तय गरेको हो । पार्टी एकतापछि आफ्नो भूमिका कमजोर हुनसक्ने माओवादी नेतृत्वको बुझाइ छ ।