हङकङमा सहरभर प्रदर्शन, सयौं उडान रद्ध

हङकङमा दुई महिना यता भइरहेको प्रदर्शनले अझ कडा रुप लिएको छ। दैनिकजसो भएको प्रदर्शनले त्यहाँको जनजीवन प्रभावित भएको छ।

सहरका विभिन्न स्थानमा प्रदर्शन भएका छन्। ५ अगष्टमा सयौं उडान रद्ध भएका छन् । प्रदर्शनमा कर्मचारीहरु पनि सहभागी हुन थालेका छन्।

Advertisement

मास्क लगाएर सडक प्रदर्शनमा उत्रिएकाहरुमध्ये कर्मचारी समेत रहेका छन्। प्रहरीले प्रदर्शनकारीको गतिविधिलाई रोक्न अश्रुग्याँस प्रयोग गर्दै आएको छ । प्रदर्शनका क्रममा हिंसात्मक घटना समेत घटेका छन्।

सुपुर्दुगी सम्बन्धि कानुनको विरोधमा उठेको आन्दोलनले उचाई लिएको हो। चीनको भूभाग हङकङमा स्वतन्त्रताको नारा उठ्दै आएको छ । पछिल्लो आन्दोलनलाई चीनविरोधी आन्दोलनका रुपमा समेत लिइएको छ।