विप्लवद्वारा ४ दिने आन्दोलनका कार्यक्रम घोषणा

✍️ नयाँपुस्ता डटकम ६ असार २०७६, शुक्रबार १४:१५

काठमाडौँ । नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टी (नेकपा)ले ४ दिने आन्दोलनका कार्यक्रम घोषणा गरेको छ ।

पार्टीका सर्लाही जिल्ला इन्चार्ज कुमार पौडेलको हत्या भएको विरोधमा नेकपाले ४ दिने आन्दोलनका कार्यक्रम घोषणा गरेको हो । आज एक विज्ञप्ति जारी गर्दै नेकपाका महासचिव विप्लवले ४ दिने आन्दोलनका कार्यक्रम घोषणा गरेका हुन्।

ओली नेतृत्वको सरकारले मुठभेडका नाममा देशव्यापी रुपमा निशस्त्र कार्यकर्ता माथिको हत्याश्रृंखला बढाएको विरोधमा आन्दोलनका कार्यक्रम घोषणा गरिएको महासचिव विप्लवले विज्ञप्तिमा जनाएका छन्।