सभामुखमा महरालाई उम्मेदवार बनाउने तयारी

✍️ नयाँपुस्ता डटकम २५ फाल्गुन २०७४, शुक्रबार ०७:३२

काठमाडौं । माओवादी केन्द्रले प्रतिनिधिसभा सभामुखमा वरिष्ठ नेता कृष्णबहादुर महरालाई अगाडि सार्ने तयारी गरेको छ।

एमालेलाई राष्ट्रपति र माओवादीलाई सभामुख लिने–दिने गरी भागवण्डा भएअनुसार माओवादीले महरालाई अगाडि सार्न लागेको हो। यद्यपि यसको औपचारिक निर्णय भने उसले गरिसकेको छैन।

शुक्रबार बिहान शीर्ष नेताहरुको बैठक बसी महराको नाम अनुमोदन गर्ने तयारीमा अध्यक्ष पुष्पकमल दाहाल देखिएका छन्। अनौपचारिक छलफलक्रममा दाहालले महरालाई सभामुखको जिम्मेवारी दिने योजना सुनाएको खुमलटार स्रोतले बतायो। – अन्नपूर्ण पोस्ट दैनिकबाट