स्याङ्जामा बसको ठक्करबाट वृद्धको मृत्यु

स्याङ्जा । पुतलीबजार नगरपालिका–११ करेन्डाडास्थित सिद्धार्थ राजमार्गमा बसको ठक्करबाट शुक्रबार साँझ एक वृद्धको मृत्यु भएको छ । मृत्यु हुनेमा स्थानीय ७० वर्षीय याम बहादुर जिटि रहेका छन्।

बुटवलबाट पोखरा जाँदै गरेको ना ४ ख ३८२८ नम्बरको बसले ठक्कर दिँदा जिटिको घटनास्थलमै मृत्यु भएको जिल्ला ट्राफिक कार्यालय स्याङ्जाका प्रमुख प्रहरी नायब निरीक्षक मीन बहादुर कुँवरले जानकारी दिनुभयो।

Advertisement

ठक्कर दिने बस र चालकलाई नियन्त्रणमा लिई थप अनुसन्धान कार्य भईरहेको प्रहरीले जनाएको छ।