काठमाडौँको सोल्टीमोडमा मोटरसाइकल दुर्घटना, एक जनाको ज्यान गयो

काठमाडौँ । काठमाडौँमा भएको मोटरसाइकल दुर्घटनामा एक जनाको ज्यान गएको छ ।

काठमाण्डौ महानगरपालिका वडा नम्बर-१२ को सोल्टीमोडमा मोटरसाइकल दुर्घटना हुँदा चालक मकवानपुरका बुद्ध गोलेको ज्यान गएको हो ।

Advertisement

दुर्घटनामा घाइते भएका २७ वर्षका गोलेको उपचारका क्रममा वीर अस्पतालमा ज्यान गएको प्रहरीले जनाएको छ ।

प्रदेश नम्बर ३-०२-००७ प ९१९४ नम्बरको मोटरसाइकल गएराति दुर्घटना भएको थियो ।