नेपाल स्वास्थ्य सेवा व्यवस्थापक संघको प्रथम अधिवेशन सम्पन्न, अध्यक्षमा भुषाल

काठमाडौँ । नेपाल स्वास्थ्य सेवा व्यवस्थापक संघको प्रथम साधारण सभा तथा अधिवेशन काठमाडौँमा सम्पन्न भएको छ । प्रथम अधिवेशनबाट संघको नेतृत्वमा महेन्द्र भुषाल निर्वाचित भएका छन् ।

भुषालको अध्यक्षतामा २१ सदस्यीय कार्यसमिति सर्वसम्मत चयन भएको संस्थापक तथा निवर्तमान अध्यक्ष कविता खनालले नयाँ पुस्ता डटकमलाई जानकारी दिइन् । संघको वरिष्ठ उपाध्यक्षमा मनिष दवाडी निर्वाचित भए ।

Advertisement

यसैगरी, उपाध्यक्षहरुमा इन्द्र नेपाल योञ्जन प्रदेश १, अभिशेक रोगन मधेश प्रदेश, बिक्रम अधिकारी बागमती, हेमन्त श्रेष्ठ गण्डकी, हम बहादुर अधिकारी लुम्बिनी, कान्त प्रसाद सुवेदी कर्णाली, कृष्ण राज ढुँगाना सुदूरपश्चिम, निर्वाचित भए ।

संघको महासचिवमा होम प्रसाद अधिकारी, सचिवमा धीरज मैनाली , कोषाध्यक्षमा प्रकृति आचार्य रहेका छन् । यसैगरी सदस्यहरुमा समिर शर्मा, रविन्द्र कुँवर, वर्षा कोइरला, मञ्जु दाहाल, हेम विडारी, देवेश कर्ण, ब्रह्म शंकर चोधरी र श्रीभगराज जोशी निर्वाचित भएका हुन् ।

केही समय अगाडी मात्रै स्थापना भएको यस संस्थाले अब तत्कालै ७ जना उपाध्यक्षहरुको संयोचकत्वमा प्रदेश प्रदेशमा समिति गठन गर्ने र संस्थाको हक हितमा काम गर्ने नव निर्वाचित अध्यक्ष भुषाले बताए ।

उनले भने, हामीले तत्काल सातवटै प्रदेशमा समिति विस्तार गर्दै, यस क्षेत्रमा काम गरिरहेका साथीहरुको सहयोगका लागि विभिन्न किसिमका तालिमहरु सञ्चालन गर्ने छौँ । अझ धेरै साथिहरुसँग हातेमाले र सहकार्य गर्दै यस क्षेत्रमा देखिएका समस्या, निराकरण गर्न लागि पर्ने छौँ।