प्युठानमा जन्तीको जीप दुर्घटना, ६ जनाको ज्यान गयो, बेहुला-बेहुलीसहित ७ घाइते

काठमाडौँ । प्युठानमा बेहुली लिएर फर्किँदै गरेको जीप दुर्घटना हुँदा ६ जनाको घटनास्थलमै ज्यान गएको छ । दुर्घटनामा अन्य सात जना गम्भीर घाइते भएका छन् ।

नौबहिनी गाउँपालिकाको लुङबाट बेहुली लिएर गौमुखी गाउँपालिकाको लिवाङ जाँदै गरेको ग १ ज ५०९२ नम्बरको जीप आज बिहान एक बजे ओखरपाटामा दुर्घटनामा परेको हो ।

Advertisement

जीप सडकबाट ३ सय मिटर तल खोल्सामा खसेको थियो । घाइतेहरूलाई उपचारका लागि जिल्ला अस्पताल बिजुवार लगिएको जिल्ला प्रहरी कार्यालय प्युठानले जनाएको छ ।

प्रहरीका अनुसा, दुर्घटनामा बेहुला, बेहुली नै घाइते भएका छन् । उनीहरुको बिजुवार अस्पतालमै उपचार भइरहेको ड। दुर्घटनाबारे थप विवरण आउन बाँकी रहेको छ।

घटनास्थल इलाका प्रहरी कार्यालय पुजा निवासीबाट पनि १५ किलोमिटर टाढा रहेको छ । जिप बेहुलाको घर नजिकै आउँदा दुर्घटना भएको हो ।