कलंकीबाट डरलाग्दा ब्यक्ती पक्राउ, गरेछन् गर्नै नहुने काम

✍️ नयाँपुस्ता डटकम २३ पुष २०७८, शुक्रबार ०८:२६

काठमाडौं । विभिन्न मोबाइल नम्बरबाट फोन तथा म्यासेज गरी २० लाख रुपैयाँ माग्दै नदिए ज्यान मार्ने धम्की दिएको आरोपमा प्रहरीले १ जनालाई पक्राउ गरेको छ।

पक्राउ पर्नेमा निजगढ नगरपालिका-११ बारा घर भई चन्द्रागिरि नगरपालिका-९ मच्छे गाउँ बस्‍दै आएका २६ वर्षीय सञ्‍जीव भन्‍ने पदम काफ्ले रहेको महानगरीय अपराध महाशाखाले जनाएको छ ।

उनलाई बुधबार अपराध महाशाखाको टोलीले काठमाडौं कलंकीबाट पक्राउ गरेको हो । प्रारम्भिक अनुसन्धानको क्रममा पीडितलाई उनले २० लाख रुपैयाँ पटकपटक मागेको खुलेको महाशाखाका प्रवक्ता तथा प्रहरी उपरीक्षक कृष्णप्रसाद कोइरालाले बताए ।

उनका अनुसार संजीवले विभिन्न मोबाइल नम्बरबाट कल गर्दै पैसा माग्ने र नदिने भए ज्यान मार्नेसम्मको धम्की दिने गरेको पनि खुलेको छ ।

बुधबार पक्राउ परेका उनलाई महाशाखाले थप अनुसन्धानका लागि महानगरीय प्रहरी परिसर टेकुमा बुझाएको छ । उनीविरुद्ध परिसरले आपराधिक लाभसम्बन्धी कसुरमा मुद्दा दर्ता गरेको छ।

पक्राउ परेका उनीमाथि आपराधिक लाभ (एक्सट्रसन) लिन नहुने कसूरमा थप अनुसन्धानका लागि बिहीबार काठमाडौं जिल्ला अदालतबाट ७ दिनको म्‍याद थप गरिएको प्रहरीले जनाएको छ।