एमालेबाट निर्वाचित मेयरको अनियमितता, काँग्रेसबाट बिजयी वडाध्यक्षहरुले गरे तोडफोड

✍️ नयाँपुस्ता डटकम १९ श्रावण २०७८, मंगलवार ११:४७

काठमाडौँ । नुवाकोटको एक नगरपालिकाका ६ जना वटाध्यक्षहरुले मेयरको विरुद्धमा तोडफोड गरेका छन् ।

नुवाकोटको विदुर नगपालिकामार्फत सञ्चालित ‘सुन्तला जात फलफूल पकेट विकास कार्यक्रम’मा अनियमितता भएको भन्दै वडाध्यक्षहरूबाटै नगरपालिकामा तोडफोड गरेका हुन् ।

नेकपा एमालेबाट निर्वाचन नगरप्रमुख सञ्जु पण्डितको सिफारिसमा वडा नम्बर १३ मा सञ्चालित ‘पकेट विकास कार्यक्रम’मा तोकिएअनुसार सुन्तला र कागतीको बिरुवा वितरण नभएको पाइए पनि बजेट भुक्तानी गरेको विरोधमा नेपाली कांग्रेस समर्थित ६ जना वडाध्यक्षहरूको नेतृत्वमा नगरपालिकामा तोडफोड गरिएको हो।

ढुंगा प्रहारबाट नगरपालिकाको झ्यालका सिसाहरू, विद्युतीय सूचना बोर्डलगायत बाहिरी संरचनासमेत गरेर १ लाख बराबरको क्षति पुगेको नगरपालिकाले जारी गरेको प्रेस विज्ञप्तिमा भनिएको छ।