नेपालमा कोरोना संक्रमणबाट थप ७ जनाको मृत्यु

✍️ नयाँपुस्ता डटकम १८ आश्विन २०७७, आईतवार ११:२२

काठमाडौँ । नेपालमा कोरोना संक्रमणबाट थप ७ जनाको मृत्यु भएको छ।

स्वास्थ्य तथा जनसंख्या मन्त्रालयले नियमित पत्रकार सम्मेलन गर्दै कोरोना संक्रमणबाट थप ७ जनाको मृत्यु भएको जानकारी दिएको हो । यो सँगै नेपालमा कोरोना संक्रमणबाट मृत्यु हुनेको संख्या ५३५ पुगेको छ।

मन्त्रालयका अनुसार पछिल्लो २४ घण्टामा थप २२ सय ५३ जना संक्रमित थपिएका छन्। यो सँगै नेपालमा कोरोना संक्रमितको संख्या ८६ हजार ८२३ पुगेको छ।

त्यस्तै एकैदिन १ हजार ३२९ जनाले कोरोनालाई जितेका छन् । यो सँगै अहिलेसम्म निको हुनेको संख्या ६४ हजार ६८ पुगेको छ।