महिनावारी रोक्ने औषधी खानुहुन्छ ? सावधान ! हुनसक्छ असहनीय पिडा

✍️ नयाँपुस्ता डटकम १८ आश्विन २०७७, आईतवार ०९:३४

काठमाडौँ । हरेक महिनामा जब महिलाको महिनावारीको समय आउँछ । उनीहरुले आफ्नो खानपानलाई लिएर सजगता अपनाउनु पर्ने हुन्छ । नत्र यसले उनीहरुको महिनावारीमा नकरात्मक प्रभाव पार्न सक्छ । यसै कारणले भएको गडबडले तपाईलाई धेरै बिमारीको समस्या उत्पन्न गराउँछ । साथै महिनावारीमा गरएको गल्तीले इन्फ्ेक्सनको खतरा पनि बढाउँछ । त्यसैले यस्तो अवस्थामा तपाईले यस्तो खाद्य पदार्थलाई त्याग्नु पर्दछ , जसले तपाईलाई पेट दुख्ने समस्या उत्पन्न गराउँछ या त यसको असर पिरियड्समा देखिन्छ ।

महिलालाई हरेक महिना महिनावारीको दुखाइ भोग्नुपर्ने हुन्छ । कुनै ट्रिपमा जानुपर्दा वा कुनै विवाहमा समारोहमा समावेश हुनुपर्दा महिनावारीको समय आएर सताउने गर्दछ । यी कार्यक्रम नछुटाउनका लागी महिलाहरु घरेलु उपाय अथवा औषधी नै खाएर महिनावारी रोक्ने गर्दछन् ।

हुनसक्छ यस्तो नोक्सान
महिलाको महिनावारीको चक्र २८ दिनको हुन्छ । यदि तपाईको महिनावारी समयमा नै हुँदैन अर्थात अनियमित हुने गर्दछ भने कपृया सचेत रहनुहोला । अथवा चिकित्सक कहाँ गएर चेकजाँच गराउन आवश्यक छ।

कैयौँ पटक महिलाले महिनावारी रोक्ने औषधी खाएमा हर्मोन असन्तुलित हुने पनि गर्दछ । जसका कारणले महिनावारी २ महिना पछि या त २ महिना भन्दा बढिसम्म पनि नहुने गर्दछ ।

यसले तपाईको अनियमित महिनावारीमा समस्या ल्याउन सक्छ । जब २८ देखि ३० दिनसम्मको महिनावारीको चक्र बिग्रन्छ तब ओव्‍यूलेशनमा गडबड हुन्छ । जसले महिलाको प्रजनन प्रणालीमा पनि नराम्रो इफेक्ट पार्दछ ।

महिनावारी रोक्ने औषधीको सेवन गर्ने महिलालाई धेरै रक्तस्राव हुनुका साथै असनिय रुपमा पीडा पनि हुने गर्दछ।

यदी तपाईको उमेर ३० वर्ष भन्दा बढी छ र तपाईलाई डायबिटीज या मोटोपनको समस्या छ भने यस्तो औषधिको सेवन गर्दै नगर्नुहोस्। यस्ता समस्या भएका महिलालाई यो औषधिले झनै नराम्रो सँग असर गर्ने गर्दछ।