टोखामा भूमिगत गरिएको बिजुलीको तार पड्कियो

✍️ नयाँपुस्ता डटकम ७ आश्विन २०७७, बुधबार ०३:५३

काठमाडौँ । काठमाडौँको टोखास्थित ग्राण्डी अस्पताल अगाडि भूमिगत गरिएको बिजुलीको तार पड्किएको छ।

नेपाल विद्युत प्राधिकरणको प्राविधिक टोली रातभरि काममा खटिए पनि मर्मत गर्न सकेन। पड्किएको तार मर्मत हुन नसक्दा गएरातिदेखि नै अस्पतालमा विद्युत आपूर्ति बन्द भएको छ।

बिग्रिएको ठाउँ पत्ता लगाउन नसकेपछि आज बिहानपख प्राधिकरणको प्राविधिक टोली फर्किएको छ।

गएराति नै लैनचौर, सामाखुसी, गोंगबु, सूर्यदर्शन हाइट, बालुवापाटी लगायतका स्थानमा पनि विद्युत आपूर्ति बन्द भएको थियो। तर ती स्थानमा भने उपकरण फेरेर मर्मत गरेपछि राति नै विद्युत आपूर्ति सुरु भएको छ।

नेपाल विद्युत प्राधिकरणले काठमाडौँ उपत्यकामा बिजुलीका तार भूमिगत गर्ने काम जारी राखेको छ।