अमेरिकाको टेक्सासमा सिंगल इन्जिन भएको विमान दुर्घटना, सवार सबैको मृत्यु

टेक्सास । अमेरिकाको टेक्सासमा भएको विमान दुर्घटनामा ४ जनाको मृत्यु भएको छ। सानो विमानको इन्जिनमा खराबी आएपछि आकस्मीक अवतरण गर्न खोज्दा दुर्घटना भएको हो।

एउटामात्र इन्जिन भएको विमान हिलटप लेक विमानस्थलमा दुर्घटनाग्रस्त भएको हो। विमानमा ४ जनामात्र सवार रहेका थिए। सवार सबैको मृत्यु भएको हो।

Advertisement

मृत्यु हुनेमा २ जना पुरुष र २ जना महिला रहेका छन् । विमान अस्टिनबाट लुजियाना जाँदै गरेको जनाइएको छ।

विमानको प्रकारबारे स्पष्ट भएको छैन। दुर्घटनाबारे थप अनुसन्धान भइरहेको जनाइएको छ। विमान स्थानीय समय अनुशार विहान १० बजेर ५० मिनेटमा दुर्घटनाग्रस्त भएको हो।