नेपालमा थप १ हजार ३२५ जना कोरोना संक्रमित फेला

✍️ नयाँपुस्ता डटकम ४ आश्विन २०७७, आईतवार १०:४३

काठमाडौँ। नेपालमा पछिल्लो २४ घण्टामा १ हजार ३२५ जनामा कोरोनाभाइरस संक्रमण पुष्टि भएको छ।

स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले आइतबारको नियमित प्रेस ब्रिफिङमा थप १ हजार ३२५ जना कोरोना संक्रमित थपिएको जानकारी दिए ।

उनका अनुसार हाल देशभर सक्रिय संक्रमितको संख्या १७ हजार ४७८ रहेको छ। ती मध्ये ९ हजार ७१ जना संस्थागत आइसोलेशनमा र ८ हजार ४०७ जना होम आइसोलेशनमा रहेका छन् ।

त्यसैगरी २४ घण्टामा ९ हजार ५८४ पीसीआर परीक्षण गरिएको छ।