नेपालमा कोरोना संक्रमणबाट थप ७ जनाको मृत्यु

✍️ नयाँपुस्ता डटकम २ आश्विन २०७७, शुक्रबार ११:३२

काठमाडौँ । नेपालमा पछिल्लो २४ घण्टामा कोरोना भाइरसको संक्रमणबाट थप ७ जनाको मृत्यु पुष्टि भएको छ।

स्वास्थ्य तथा जनसंख्या मन्त्रालयको नियमित प्रेस अपडेटमा मन्त्रालयका प्रवक्ता डा जागेश्व गौतमले २ महिला र ५ पुरुष गरी जम्मा ७ जनाको मृत्यु भएको जानकारी दिए।

आज काठमाडौँ उपत्यकामा २ महिला र २ पुरुष गरी ४ जनाको मृत्यु पुष्टि भएको छ। आज मृत्यु भएका ७ जनामा एक युवकबाहेक ६ जना वृद्धवृद्धा छन् ।

देशमा अहिलेसम्म मृत्यु हुनेहरुमा २ सय ८७ पुरुष र एक सय १३ महिला छन् । संक्रमित हुनेहरुबाट मृत्युको प्रतिशतमा ०.६३ प्रतिशत रहेको छ ।