नेपालमा कोरोना संक्रमितको संख्या ६ हजार ५ सय नाघ्यो, ११ सय बढी निको

काठमाडौं । नेपालमा थप ३८० जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार देशका विभिन्न स्थानमा गरिएको परिक्षणमा पछिल्लो २४ घण्टामा ३८० जनामा कोरोना संक्रमण पुष्टि भएको हो ।

Advertisement

यो सँगै नेपालमा कोरोना संक्रमितको संख्या ६ हजार ५ सय ९१ पुगेको छ । जसमा ४ सय ९९ जना महिला र ६ हजार ९२ पुरुष रहेका छन् ।

हालसम्म कोरोना संक्रमणबाट १९ जनाले ज्यान गुमाईसकेका छन् भने १ हजार १ सय ५८ जना उपचारपछि घर फर्केका छन् । मन्त्रालयका अनुसार हालसम्म नेपालका ७३ जिल्लामा फैलिएको छ ।